Um klúbbinn

Fjöldi félaga í klúbbnum er 20.

Fundir eru haldnir annan mánudag í hverjum mánuði frá september og fram í maí að báðum mánuðum meðtöldum. Fundartími er frá kl 19-22. Fundarstaðir eru mismunandi, í heimahúsum, á veitingastöðum eða í sölum mismunandi félagasamtaka.

Áætlun um efni funda er lögð fram í upphafi starfsárs auk þess sem gefið er út félagatal. Á fundum er fylgt almennum fundarsköpum þ.e. formaður setur fund, fundargerð síðasta fundar samþykkt og síðan er dagskrá fylgt eftir sem send hefur verið út um viku fyrir hvern fund. Á fundum eru málefni klúbbsins rædd s.s. fjáröflun, styrkveitingar og ýmis önnur mál. Borðaður er léttur málsverður sem þrjár klúbbkonur hafa útbúið og er því skipt niður á konur yfir starfsárið. Á hverjum fundi er dregið í happdrætti, skemmtinefnd skipuleggur uppákomur og konur segja frá áhugaverðu broti úr lífi sínu.

Árgjald klúbbsins er um 18000 krónur sem skiptist í tvennt, haust og vorgjald. Máltíðir á hverjum fundi kosta um 2.000 krónur og happadrættismiði kostar 500 krónur.

Í stjórn klúbbsins sitja sex konur en allir félagar klúbbnum sitja í nefndum og sinna nefndarstörfum. Ritari sendir út fundarboð fyrir hvern fund.

Stjórn Þórunnar hyrnu starfsárið 2021-2022

Formaður: Rósa Kristjánsdóttir
Varaformaður: Aðalheiður Steingrímsdóttir
Ritari: Ásdís B. Ásmundsdóttir
Gjaldkeri: Rósa María Björnsdóttir
Stallari: Sólveig Sævarsdóttir
Meðstjórnandi: Oddný Stella Snorradóttir

Félagslög Zontaklúbbsins Þórrunar hyrnu (PDF)